Post Office Life Insurance Marathi: सविस्तर माहिती, पोस्ट कर्मचाऱ्याशी चर्चा करून..
Post Office Life Insurance Marathi: आपल्या आणि आपल्या कुटुंबाच्या भविष्याला आर्थिक स्थैर्य देणारी एक सुरक्षित आणि विश्वासार्ह गुंतवणूक शोधत आहात? भारत सरकारच्या भारतीय डाक विभागाची डाक जीवन विमा (Postal Life Insurance – PLI) योजना हा तुमच्यासाठी सर्वोत्तम पर्याय ठरू शकतो. तब्बल १४० वर्षांहून अधिक काळाच्या विश्वासाच्या परंपरेवर आधारित ही योजना ‘सर्वात कमी हप्ता आणि सर्वाधिक बोनस’ यासाठी ओळखली जाते.
सुरुवातीला केवळ सरकारी कर्मचाऱ्यांसाठी असलेली ही योजना आता व्यावसायिक आणि खाजगी क्षेत्रातील कर्मचाऱ्यांसाठीही खुली झाली आहे. चला तर, या योजनेची वैशिष्ट्ये, फायदे आणि पात्रता याबद्दल सविस्तर जाणून घेऊया.
डाक जीवन विमा (PLI) का निवडावी? ही योजना इतर विमा योजनांपेक्षा वेगळी आणि आकर्षक का आहे, हे खालील वैशिष्ट्यांवरून स्पष्ट होते:
सर्वाधिक बोनस:
PLI चा बोनस दर हा खाजगी विमा कंपन्यांच्या तुलनेत खूप जास्त आहे. सरकारी योजना असल्यामुळे नफ्यातील मोठा वाटा पॉलिसीधारकांना बोनसच्या रूपात परत मिळतो.
सर्वात कमी प्रीमियम:
आकर्षक परतावा असूनही, या योजनेचा हप्ता (प्रीमियम) खूपच कमी आहे, ज्यामुळे तो सर्वसामान्यांच्या खिशाला परवडतो.
सरकारी हमी आणि विश्वास:
ही योजना थेट भारत सरकारद्वारे चालवली जात असल्याने, तुमची गुंतवणूक आणि परतावा १००% सुरक्षित असतो.
आयकर सवलत:
भरलेल्या प्रीमियमवर आयकर कायद्याच्या कलम ’80C’ अंतर्गत तुम्हाला कर सवलत मिळते. तसेच, मुदतपूर्तीनंतर मिळणारी रक्कम पूर्णपणे करमुक्त असते.
सुलभ हप्ता भरणा:
देशातील कोणत्याही पोस्ट ऑफिसमध्ये किंवा घरबसल्या ऑनलाइन हप्ता भरण्याची सोय आहे. तसेच, पोस्टाच्या बचत खात्यातून (POSB) किंवा इंडिया पोस्ट पेमेंट्स बँक (IPPB) खात्यातून दर महिन्याला हप्ता आपोआप कट होण्याची (Auto Debit) सुविधाही उपलब्ध आहे.
कर्ज सुविधा:
आर्थिक गरजेच्या वेळी तुम्ही तुमच्या पॉलिसीवर अत्यंत कमी व्याजदरात कर्ज घेऊ शकता.
संपूर्ण संगणकीकृत प्रणाली: सर्व कामकाज ऑनलाइन आणि संगणकीकृत असल्याने पारदर्शकता आणि वेगवान सेवा मिळते.
नामनिर्देशन आणि पॉलिसी बदल सुविधा
तुम्ही तुमच्या पॉलिसीसाठी वारसदार (Nominee) सहज नेमू शकता. तसेच गरजेनुसार पॉलिसी प्रकारात बदल (Conversion) किंवा बंद पडलेली पॉलिसी पुन्हा सुरू (Revival) करण्याची सुविधाही उपलब्ध आहे.
तुमच्या गरजेनुसार विविध विमा प्रकार
PLI अंतर्गत तुमच्या वेगवेगळ्या आर्थिक ध्येयांनुसार विविध प्रकारच्या योजना उपलब्ध आहेत:
सुरक्षा (संपूर्ण जीवन विमा):
कमी प्रीमियममध्ये आयुष्यभरासाठी विमा संरक्षण.
संतोष (Endowment Assurance):
Post Office Life Insurance Marathi: विमा संरक्षण आणि बचत यांचा दुहेरी फायदा देणारी लोकप्रिय योजना.
सुविधा (परिवर्तनीय संपूर्ण जीवन विमा):
ही पॉलिसी ५ वर्षांनंतर ‘संतोष’ योजनेत बदलण्याचा पर्याय देते.
सुमंगल (मनी बँक योजना):
ठराविक कालावधीनंतर नियमित परतावा देणारी योजना.
युगल सुरक्षा (जॉइंट लाईफ विमा):
पती-पत्नी दोघांसाठी एकाच पॉलिसीमध्ये विमा संरक्षण.
बाल जीवन विमा:
मुलांच्या शैक्षणिक आणि इतर गरजांसाठी खास योजना.
पात्रता आणि आवश्यक कागदपत्रे
या योजनेचा लाभ कोण घेऊ शकतो?
ही योजना आता केवळ सरकारी कर्मचाऱ्यांपुरती मर्यादित नाही.
सर्व शासकीय आणि निमशासकीय कर्मचारी.
खाजगी, अनुदानित, विना-अनुदानित शैक्षणिक संस्थांमधील कर्मचारी.
सर्व राष्ट्रीयकृत आणि सहकारी बँकांचे कर्मचारी.
व्यावसायिक: डॉक्टर, इंजिनिअर, वकील, चार्टर्ड अकाउंटंट (CA), आर्किटेक्ट, फार्मासिस्ट, इत्यादी.
NSE किंवा BSE मध्ये सूचीबद्ध असलेल्या खाजगी कंपन्यांचे कर्मचारी.
वयोमर्यादा: १९ ते ५५ वर्षे.
विमा मर्यादा: कमाल ५० लाख रुपयांपर्यंत.
आवश्यक कागदपत्रे
important documents
पॅन कार्ड आणि आधार कार्ड
ओळखपत्र किंवा पगाराची पावती (Salary Slip)
पासपोर्ट आकाराचा फोटो
व्यावसायिकांसाठी:
डिग्री/डिप्लोमा प्रमाणपत्राची प्रत
“कोणताही वय असो, महिला, वयोवृद्धांसाठी आणि सर्वांसाठी ही पोस्ट ऑफिस योजना”
जर तुम्ही कमी गुंतवणूक, सुरक्षित भविष्य आणि सर्वाधिक परतावा देणारी विमा योजना शोधत असाल, तर “पीएलआय- कमी प्रीमियम, उच्च बोनस, याहून उत्तम काही नाही” हे घोषवाक्य खऱ्या अर्थाने सार्थ ठरते. अधिक माहितीसाठी विमा विकास अधिकाऱ्याला किंवा अधिकृत विमा प्रतिनिधीला भेट संपर्द्याक साधू शकता.
Post Office Life Insurance Marathi: अधिक माहितीसाठी तुम्ही फोन नंबर वर संपर्क साधू शकता. +91 94042 48824
खात्यात पैसे नाहीत, चिंता नको,नवीन फीचरमुळे भीम UPI पेमेंट करू शकता”
आता सर्व UPI व्यवहार एका अॅपवर! मँडेट्स पोर्टिंग व ट्रॅकिंग म्हणजे काय? वापरण्याची पद्धत?
आता कृषी यांत्रिकीकरण योजनेची अनुदान मर्यादा काढली, जाणून घ्या नवीन नियम
